Островот Кипар е поделен на два дела, со градот Никозија, кој е под турска управа, на север и Република Кипар на југ. Овој медитерански остров вреди да се посети за да се откријат сите природни и историски остатоци што ги обележуваат неговите брегови.
Кои се најдобрите места за престој на островот Кипар?
Градот Лимасол на крајниот југ од Кипар, идеален за истражување на Кипар,
Ларнака на исток, популарно место за плажи и одмори,
Крајбрежниот Пафос на запад, помеѓу морето и планините,
Регионот Троодос и планината Олимп, места што не треба да се пропуштат за планинарење на Кипар. За престој има безброј хотели, апартмани. Резервирајте преку Booking или Aibnb.
Како да стигнете до Кипар
Од Скопје до Кипар нема дирекна линија. Се патува од Солун или Софија преку компанијата Wizzair до Ларнака или Ryanair до Пафос. Летот трае околу 2 часа. Ја избрав опција преку Солун за Ларнака. Решив да одам со сопствен превоз, околу аеродромот има паркинзи за долг престој од 30€ за 7 дена и со кола/комбе ве префрлуваат до терминалот.
Од аеродромот Ларнака до прекрасните плажи
До центарот на градот се стига со автобус или такси. А до туристичките места како Аја Напа или Протарас користите го автобусот Kapnos преку нивниот сајт може да купите билети или директно да платите на шоферот. За такси користете ја апликацијата CABCY нудат превоз со пристапни цени. Доколку изнајмите возило внимавајте возат на лево. За да се движите низ островот користете го Cyprus Public Transport билетот чини 2€ на нивниот сајт ќе ги најдете сите дестинации и време на тргнување.
Ларнака место кое мора да се посети на Кипар за уживање во морето
Третиот по големина град на Кипар, Ларнака, се наоѓа на истокот од островот и се одликува со одлична локација по должината на источниот брег. Неговиот брег обрабен со палми ве поканува да избегате. Неговите познати убави песочни плажи и тиркизна вода ви овозможуваат да се опуштите за сончев престој погоден за секакви авантури.
Нуркање, водни спортови, прошетка низ градот со човечки размери и откривање на неговата историја… Постои цела низа активности што треба да се направат пред да уживате во многуте тераси на традиционалните ресторани во градот!
Никозија е главен град на островот, преполовена со зелена линија што ја одделува Република Кипар од Северен Кипар. Така, градот има две подеднакво живописни страни со цркви, џамии, анови, чаршија и тесни улички со ресторани и продавници за сувенири. Преминувањето од едната на другата страна пеш е многу лесно. Едноставно одете до еден од двата контролни пунктови (на врвот на улицата Ледра и кај хотелот Ледра Палас) и покажете го вашиот пасош.
Нема премини за автомобили и имајте предвид дека преминувањето на границата со изнајмен автомобил може да биде комплицирано (дополнително осигурување итн.). Проверете кај вашата компанија за изнајмување за детали.
За престој го одбрав Протарас за долги и песочни плажи.
Местата Протарас и Паралимни се наоѓаат на живописниот југоисточен брег помеѓу Фамагуста (Северен Кипар) и Аја Напа. Во центарот на Протарас ќе најдете бројни таверни, ресторани, барови и места за забава. Прекрасните бели песочни плажи се меѓу најубавите на островот и ве покануваат да пливате, да се сончате и да се одморите. Бројни опции за водни спортови ја надополнуваат програмата во Протарас.
Автобуската линија 101/102, која вози од Протарас до Аја Напа се протега по должината на брегот и опслужува популарни места како што се Заливот Фиг Три и плажата Конос. По пат застанете да го посетите Паркот на скулптури. Уметниците кои пред вас го обработуваат каменот и прават уметнички дела.
Кипар е идеално место за одмор и посети. Сезоната почнува од април до ноември.
Мај 2025